Җомга 17 ноябрь 2017 18:09:34
 

 

матбугат новости татарстана

 

 

Соңгы фикерләр
Сәхифә: "Татар дөньясы"
“ТАТАР ТҮГЕЛ, БАШКОРТ СЕЗ”
2010 елның октябрендә Русиякүләм халык исәбен алу кампаниясе узачак. Башкортостанда бу эшкә инде күптән тотындылар. Бурыч бер – республикадагы татарларга “башкорт тамырлары”н ышандыру һәм шул татарларны башкортлаштыру хисабына башкорт санын арттыру. Күрше республикадан яу кырыннан төсле “сводкалар”ны яудыралар гына. Әле теге, әле бу районга башкорт телевидениесе, радио, газета-журнал журналистлары “десант” булып төшеп, татарлар арасыннан башкортларны чүпли. Башкортостанның “БСТ” каналында моның өчен көн саен 17.40 та 20 минутлык “Минем кече ватаным”, “Тарихи чәршәмбе” дип исемләнгән махсус пропагандистик тапшырулар эфирга чыга башлады. Газеталарның да пропаганда эше шәп куелган. Төп максат – татарлар күпләп яшәгән районнарга барып, аннан репортажлар әзерләп, халыкка “Бу – башкорт җирләре, cез татарлар түгел, телен оныткан башкортлар, татарлар – килмешәк халык” дигәнне сеңдерү. Мондый сәфәрләр Шаран, Кыйгы, Караидел районнарында булды.
Фикерләр (4) | Караулар (6586) Р. БИКМӨХӘММӘТОВА | 19.02.2010

“МЫСКЫЛ ИТӘР ДИП УЙЛАМАДЫК...”
“Татарстан-Яңа гасыр” телеканалында көнкүреш техникасы, компьютерлар белән сату итүче “Корпорация Центр” рекламасы еш күрсәтелә. Аю белән карга төрле кыяфәтләргә кереп, кинофильмнардан иң популяр фразаларны әйтеп, кибетләргә ашыктыра. “Не успели протрезветь, а уже распродажа” дигәнне танышларымның бер гаиләсендә балалар да көлеп сөйләгәне истә.
Фикерләр (0) | Караулар (2065) Римма БИКМӨХӘММӘТОВА | 19.02.2010

“ФОЛЬКЛОР ТУКТАУСЫЗ ЯШӘЕШТӘ”
ТР Мәдәният министрлыгы каршында “Җәүһәр” татар фольклор үзәге эшли. 1991 елда барлыкка килгән оешма алдында милли мирасны туплау, саклау, өйрәнү һәм халык арасында пропагандалау бурычы тора. Татарстан буенча, Русия төбәкләренә экспедициягә йөриләр. Соңгы елларда гына “Татар авыл көйләре”, “Татар халык әкиятләре”, “Әстерхан татарлары йола көйләре”, “Татар халык йолалары” һ.б. дисклары, “Татар халык иҗаты” томлыклары, “Котлы булсын туегыз!”, “Сафакүл татарлары: тарих, тел, халык иҗаты”, “Керәшен татарлары киемнәре” һ.б. китаплар дөнья күрде. Татарча биюгә, чигү үрнәкләренә өйрәткән дәресләрне интернет сәхифәләре аша да алып баралар. Алар тырышлыгы белән Бөтенрусия “Түгәрәк уен” татар фольклор фестивале уздырыла башлады. Үзәк эшчәнлеге, халык мирасын туплауда, саклаудагы кыенлыклар турында оешма директоры Фәнзилә ҖӘҮҺӘРОВА белән сөйләштек.
Фикерләр (1) | Караулар (4082) Римма БИКМӨХӘММӘТОВА | 13.02.2010

“КАНАТЛЫ БАРС – ТАТАРСТАННЫҢ БӘЙСЕЗЛЕК СИМВОЛЫ”
18 ел элек, 1992 елның 7 февралендә Татарстанның дәүләт гербы кабул ителде. Башта 1991 елда ТР Дәүләт Советы байракны раслады, аннары Татарстанның туграсы барлыкка килде, ә 1993 елның 14 июлендә республика гимнлы булды. Герб авторының җиңел кулы беләнме, башка сәбәпме, ләкин барс тиз арада татарлар арасында популярлашты. Чемпион булган “Ак Барс” хоккей командасы өчен җан атабыз, “Татар җыры” фестивалендә канатлы барс сыннарын өләшәбез, 2013 елда Казанда узачак Универсиаданың да символы – факел тоткан барс баласы, “Ак барс” холдингы һ.б. Төрки-татар символының көнкүрешкә кереп китүе яхшы күренеш, татарлыкның уңай PR ысулы.
Фикерләр (2) | Караулар (2981) Римма БИКМӨХӘММӘТОВА | 05.02.2010

ҖЫРЛЫ ҺӘМ ЧАНАЛЫ ПОШАЛЫМ
30-31 гыйнварда кабаттан “Пошалым чаналары” конкурсы гөрләде. Әлеге күркәм чараны Татарстанның атказанган артисты Рөстәм Закиров уздыра. Бәйгенең беренче өлеше җырчының туган ягы Арча районының Урта Пошалым авылында үтте. Икенче көнне җиңүчеләр Казан тамашачысы алдында филармония концертлар залында чыгыш ясады.
Фикерләр (0) | Караулар (2604) | 05.02.2010

ИСЕМЕҢ МАТУР, КЕМНӘР КУЙГАН?
ТР Министрлар Кабинетының Гражданлык актларын теркәү идарәсе башлыгы Эльмира Маврина сүзләренә караганда, узган ел Татарстанда 47 143 бала туган. Бу – 2008 елгыдан 5 %ка артыграк һәм соңгы 17 елда иң зуры. Сабыйларның 53,6 %ы – гаиләдә беренче бала, 35,4 %ы – икенче. 2008 ел белән чагыштырганда, республикабызда гаиләдә икенче бала туу очраклары саны 9 процентка күбәйде.
Фикерләр (1) | Караулар (3157) | 24.01.2010

ФӘЙЗУЛЛА ТУИШЕВ ГАРМУННАРЫНА ХАТЫН-КЫЗ ИСЕМЕ КУШКАН
Татарстанның халык артисты, виртуоз гармунчы Фәйзулла Туишевның тууына 2009 елда 125 ел тулды. Бу уңайдан аның туган төбәге – Ульян өлкәсенең Димитровград шәһәрендә искә алу кичәләре, татар баянчылары фестиваль-концерты оештырылды. Казанда ике елга бер аның исемендәге гармунчылар бәйгесе уза. Тукай музеендагы искә алу кичәсендә әйтелгәнчә, Фәйзулла Туишев узган гасырның 20-40 нчы елларында сәхнә йолдызы, күпләрнең кумиры була.
Фикерләр (1) | Караулар (2473) Римма БИКМӨХӘММӘТОВА | 24.01.2010

“СУД КАРАРЫ БЕЛӘН РИЗА ТҮГЕЛМЕН”
2009 елның ноябрендә Чаллы “Азатлык” татар яшьләре берлеге лидеры Дамир Шәйхетдингә карата башланган мәхкәмә эше 14 гыйнварда тәмамланды. Үзе нәшер иткән “Чаллы яшьләре” газетасында Милли Мәҗлес карарларын бастырганы өчен Дамир РФ Җинаятьләр кодексының 282 нче маддәсенең икенче бүлеге буенча гаепле дип табылды һәм 2 ел сынау вакыты белән шартлы рәвештә 1,5 елга хөкем ителде. Гаепләүче як шартлы рәвештә 3 ел бирүне таләп иткән иде.
Фикерләр (1) | Караулар (2228) Римма БИКМӨХӘММӘТОВА | 24.01.2010


1 2 [3] 

башка фотолар
 
 
 
Информеры