Җомга 17 ноябрь 2017 18:09:34
 

 

матбугат новости татарстана

 

 

Соңгы фикерләр
Сәхифә: "Тырышкан табар"
“АВЫР БУЛСА ДА, ТИМЕР ЭШЕН ЯРАТАМ”
Лаеш районының Сокуры авылыннан узган һәркем урам якка чыгарып бастырылган калпак, төтен юлы, су агып төшә торган торба, бүрәнкәләрне күрми калмыйдыр. Алар белән Молдавиядән бирегә килеп төпләнгән Дмитрий Аржен мавыга икән.
Фикерләр (0) | Караулар (1248) Лилия ЙОСЫПОВА | 03.12.2012

“МЕНДӘР ЧИСТАРТКЫЧ ҮЗЕ КИЛӘ”
Балык Бистәсе районының Полянка авылында яшәүче Вәлиевлар гаиләсе эшмәкәрлекнең берничә тармагын бергә алып бара. Гаилә башлыгы Равил абый йөк ташу эшләре, төзелеш материаллары сату белән мәшгуль. Моннан ике ел элек мендәр чистарткыч сатып алып, ул эшне дә көйләп җибәргәннәр. Анысы белән уллары Рүзәл шөгыльләнә. Ара ерак дип тормый егет, чакыруга, бөтен җиһазларны үз эченә сыйдырган “Газель” белән юлга чыга.
Фикерләр (4) | Караулар (1432) Лилия ЙОСЫПОВА | 03.12.2012

“ТИМЕР ЭШЕН ҮЛЕП ЯРАТАМ!”
Тимерченең элек-электән даны зур булган. Әби-бабайларыбыз заманыннан бирле дөнья әллә никадәр алга китсә дә, аларны бүген дә “оста” дип әйтәбез. Бер карасаң, базарларда яисә авыл хуҗалыгы тауарлары белән сату иткән махсус кибетләрдә нәрсә генә юк. Әмма гади бер авылда кеше кулы белән эретеп ябыштырып эшләнгән бакча яки йорт-җир кирәк-ярагы ул бөтенләй икенче әйбер инде. Элек һәр авылның үз остасы булган. Кызганыч, хәзер алай түгел. Кем белә, бәлки, нәкъ менә шуның өчен дә алар аеруча кадерледер. Буа районының Алших авылында яшәүче Рафаэль Галиәкбәров та шундый кадерле осталарның берсе. Рафаэль абый тимер эше дигән сүзгә нәрсә керә ала, барысын да эшли. Китмән, мунча соскысы, кишер-суган арасын эшкәртә торган кечерәк башлы китмән, бәрәңге ала торган сәнәк, кишер казу җайланмасы, ике төрле сука. Боларга өстәп тагын мунча миче, су баклары, йортларга җылылык торбалары урнаштыру, кирәксә, котел алыштыру, капка эшләү, җиңел яисә йөк машиналарының теге йә бу өлешен эретеп ябыштыру дисеңме!
Фикерләр (0) | Караулар (1157) Алсу САБИРОВА | 20.11.2012

“СӨТКӘ КЛИЕНТ ТАБУ БЕРНИ ТҮГЕЛ!”
Ләйсән һәм Марат Хәмиевларны үзләре яши торган Карлы авылында гына түгел, район үзәге Буада да күпләр белә. Сатып алучылар аларның сөтен куелыгы һәм тәмле булуы өчен яраталар икән. Йорт артында зур итеп ясалган абзарны тиз генә әйләнеп чыгам димә. Бер түбә астына бөтен терлек сыйган. Сыерлар, тана, нәсел үгезе, бозаулар, бройлер, куяннар өчен аерым почмак. Икенче якта бүрекле һәм итекле тавыклар, цесарка, тагын бер бүлемдә кәҗәләр, индоүрдәк, казлар тора. Абзар якты, су кертелгән, тип-тигез итеп калын идән такталары җәелгән.
Фикерләр (0) | Караулар (1243) Алсу САБИРОВА | 12.11.2012

“30 ТӨРЛЕ БРУСЧАТКА ЯСЫЙБЫЗ”
Күп якларда буш өйләр артып торганда, Чувашстанның Батыр ра-йоны Шыгырдан авылында йорт салыр өчен җир җитми. Икешәр катлы зур өйләр саланың дүрт ягы буйлап җәелә бара. Элек-электән биредә тырыш, дини халык яши. Балаларын дә шундый итеп тәрбиялиләр. Яшьләр бәхет һәм акча эзләп шәһәргә китми. Үзләрендә эш булдырып, шунда тамыр җәю ягын карый. Яңа танышларым эшмәкәр Марс һәм Гөлназ Шрша гаиләсенең балалары да шундыйлардан, Шыгырданда җир җимертеп эшләп яталар. Зур уллары Илдар бәрәңге үстерү, сату белән эш итә. Икенчесе Илнур — брусчатка, тротуар плиткалары әзерләүче цех хуҗасы. Марс абый исә автозапчастьлар кибете тота. Шунда ук автосервис та ачып җибәргән. Бүген брусчатка әзерләү серләренә тукталырбыз. Хуҗасы Илнур аны ясау тәртибе белән таныштырды, үзенчәлекләре, эшенең отышлы яклары һәм башкалар турында сөйләде.
Фикерләр (0) | Караулар (1307) Лилия ЙОСЫПОВА | 07.11.2012

“БАР ӘЙБЕРНЕ САТЫП БУЛА”
Рифкать Хәбибуллин авыл хуҗалыгында яңа кеше булмаса да, фермерлык белән чагыштырмача күптән түгел, 2 ел элек кенә шөгыль-ләнә башлаган. Терлек үрчетү төзелеш эшләре белән беррәттән барса да, Рифкать абыйның абзарындагы төрлелеккә игътибар итми булмый. Монда үгез бозаулар белән беррәттән токымлы чебиләр, тавык, әтәчләр, парлап фазан һәм страусларга хәтле бар. Тумышы белән Рифкать абый Аксарныкы. Ә фермалар шуннан әллә ни ерак түгел Югары Шәпке авылында урнашкан. 7-8 еллар элек таралган колхозның тузып, таланып беткән биналарына Рифкать абыйның хәзер икенче сулыш өреп яткан мәле. Элеккеге колхоз җирләрен ул үзенә рәсмиләштергән. Ә андагы мәйда-а-а-н! Хуҗаның үзе әйтмешли, эшлә генә.
Фикерләр (0) | Караулар (1188) Алсу САБИРОВА | 30.10.2012

“БЕЗ ҮСТЕРГӘН КАБАКЛАР 52 КИЛОГРАММГА ҖИТӘ”
Теләче районының Олы Мәтәскә авылында гомер итүчеләр арасында бер-берсеннән көнләшү гадәте бар, дип сөйлиләр. Авылдашларның хөсетләнү, күршесенә карата үч тотып яшәве түгел, ә ак көнләшү турында сүз бара. Берсе яңа шөгыль уйлап таба икән, икенчесе бөтенләй күз күрмәгән, колак ишетмәгән эшкә тотына, берәүләр яңа машина сатып алса, икенче көнгә күршеләре “мөгезле”рәк техника юнәтеп куярга мөмкин. Шул ук вакытта бер төрле шөгыльгә өстенлек биргән хуҗалыклар да юк түгел. Әйтик, соңгы 10 ел эчен¬дә мәтәскәлеләр ярыша-ярыша кабак үстерә. Җыеп алынган уңыш буенча быел да Салиховлар гаиләсенә тиңнәр булмаган — аларның иң зур кабаклары 2 поттан артып киткән...
Фикерләр (0) | Караулар (1255) Фәрит САЛИХОВ | 30.10.2012

“САРЫМСАК ҮСТЕРҮ БИК КЫЗЫКЛЫ ЭШ”
Чистай районының Гаделша авылында гомер итүче Сәүбән Сафин 20 ел дәвамында фермерлык белән мәшгуль. Сарымсак, суган орлыгын Төмән, Екатеринбург, Саратов, Пермь, Башкортостан, Удмуртия, Кабардино-Балкария, тагын әллә кайсы төбәкләргә кадәр сата ул. Сәүбән абыйга тиздән 55 яшь тула. Ул берничә белгечлек үзләштергән. Эретеп ябыштыручы да булган, педагог вазыйфасын да башкарган. Мәктәптә сызым, рәсем, хезмәт дәресләрен укыткан. 1992 елда фермерлыкка алынган. — Мин үзләштергән һөнәр, эшләгән эшләр бер көтү, — дип елмая Сәүбән абый. — Әмма фермерлык эше гел үзенә тартты. Ул чакта яшь-рәк идем. Яшьлек тилелеге белән алындым инде, дим хәзер, 20 ел элек эшне ничек башлаганны уйлап. Аның каравы үкенмим.
Фикерләр (0) | Караулар (1554) Лилия ЙОСЫПОВА | 19.10.2012

“ТӘҮЛЕГЕНӘ 22 СӘГАТЬ ЭШЛИМ, 2 СӘГАТЬ ЙОКЛЫЙМ”
Чистай районының “Луч” совхозына килеп, крестьян-фермер хуҗалыгы оештырган әрмән егете Арман Асрянның кул астында ниләр генә юк: сарык, куян, дуңгыз, каз, тавык, үрдәк, бытбылдык, тәвә кошы... Баш саннары йөзләр, меңнәр белән исәпләнә. Казандагы кибетләре дә җитәрлек. Арман башкалага моннан 12 ел элек Әрмәнстанның Карабахта шәһәреннән килә. Ул чакта егеткә 20 яшь була. Хәзер Арманга 32 яшь. Биредә 12 ел яшәү дәверендә ул барысын булдырырга өлгергән. Әмма аларга ничек ирешкәнен, кыенлыкларны ул үзе генә белә. — Казанга килгәндә кесәмдә 10 сум да калмаган иде. Ипи ала алмый интеккән чаклар булды. Әмма бер дә зарланмыйм. Мондагы тыныч тормыш барысын да җиңәргә ярдәм итте. Ә Әрмәнстанда кайда карасаң да күз яше. Анда сугыштан башка бернәрсә юк. Хәрби училищены тәмамлагач, икътисад институтына укырга кер¬дем. Әмма тәмамламадым, ике елдан соң ташлап, Казанга юл тоттым, — дип искә ала Арман. Әрмәнстаннан Казанга килгән тәүге көннәрендә йоклар урын тапмыйча урамда яшәргә мәҗбүр булган, тел белмәгән егет Татарстанда зур эшмәкәр һәм фермер булачагын ул чакта күз алдына да китермәгәндер. Күп милләттәшләребез эш юк дип зарланып йөргән мәлдә Арман, йокларга да вакыт юк, ди.
Фикерләр (0) | Караулар (1307) Лилия ЙОСЫПОВА | 15.10.2012

“10 ТОННА КӘБЕСТӘ ҖЫЯРГА ПЛАНЛАШТЫРАМ”
Чувашстанның Шыгырданы ит җитештерүчеләре, Балык Бистәсенең Күгәрчене мамык шәлләре, Буаның Аксуы кишер белән дан тоткан шикелле, Яшел Үзәннең Олы Яке авылы халкы кәбестә үстерү буенча бик оста. Анда безнең кебек 15-20 баш түгел, ә тулы бер бәрәңге бакчасын кәбестә били. Гектарлап мәйданда үстереп сатучылар да бар. Якелеләр өчен кәбестә өстәмә акча эшләү чыганагы булып тора. Илгиз Шәрифҗанов та шуның белән мәшгуль. 15 сутый җирдә кәбестә, моннан тыш бәрәңге, кишер, чөгендер, кабак та үстереп сата ул. Кыскасы, чын бакчачы. Олы Яке авылына, әгәр “бөке”ләргә юлыкмасаң, башкаладан нибары 30-40 минутлык юл. Раифа монастыреннан ерак түгел, бик матур урында урнашкан ул. Авыл эченә асфальт юл кергән, йортлары да төзек. Иң гаҗәпләндергәне: кайсы гына йортның бәрәңге бакчасына карасаң да, буйдан-буйга кәбестә рәтләре сузылып киткән. Илгиз абый кечкенә улы Илсаф белән бакчада кишер җыеп маташа иде. — Кишерне җирдән трактор белән күтәрттем. Алай эшләргә җиңелрәк. Хәзер Илсаф белән кисеп, чистартып утырабыз. Кәбестәне дә ала башладык, — диде ул.
Фикерләр (0) | Караулар (1367) Лилия ЙОСЫПОВА | 08.10.2012


1 2 [3] 4 5 

башка фотолар
 
 
 
Информеры