Җомга 17 ноябрь 2017 18:09:34
 

 

матбугат новости татарстана

 

 

Соңгы фикерләр
Сәхифә: "Спорт мәйданы"
“74 ЯШЬТӘ ДӘ ТУРНИКТА 50 ТАПКЫР ТАРТЫЛАМ”
Азнакай шәһәрендә яшәүче сигезенче дистәсен ваклап килүче Мәннәф абыйның әле дә чаңгыда җилдерүе турында ишеткәч, 70-80 яшьлек авыл агайлары күз алдымнан йөгереп узды. Менә шуларны чаңгыга бастырып, старт сызыгына тезеп куйсаң, мәзәк кенә бер хәлнең шаһиты булыр идек. Тормышта авырлыкларны күп күргән өлкәннәрдән көлүем түгел, ә Мәннәф абый Хүҗҗәтовның Ходай биргән ныклыгына гына соклануым. Сөбханалла, агай түгел, егет икән бит әле Мәннәф абый!
Фикерләр (0) | Караулар (1126) Фәрит САЛИХОВ | 01.03.2013

“ТӘКӘГӘ АРТЫК ИСЕМ КИТМИ”
Татар көрәшенең һәр буын тамашачысы да яраткан көрәшчеләрнең берсе ул. Яшь буын аның җитезлегенә, яшен тизлегедәй алым ясавына тел шартлатса, урта яшьтәге көрәш сөючеләр һәр хәрәкәтеннән әтисе, спорт остасы Сәгыйть Гыйниятуллин чалымнарын эзли, инде олыгаеп баручы аксакаллар Илдарга карап үз заманының данлыклы көрәшчесе, аның бабасы — атказанган спорт остасы Наил Хәмидуллинның келәмдә ут уйнаткан чакларын искә ала. 70 килограммга кадәрге үлчәү авырлыгында Татарстанның иң көчле көрәшчеләренең берсе, менә шундый батырлар нәселенең лаеклы дәвамчысы — Теләче районы егете Илдар ГЫЙНИЯТУЛЛИН бүген без-дә кунакта.
Фикерләр (0) | Караулар (1375) Фәрит САЛИХОВ | 25.01.2013

ДАНИС ЗАРИПОВ ДӨМ-ДӨМНЕ ХОККЕЙ УЙНАТА
Алабуга районының Дөм-Дөм авылында инде дүртенче тапкыр балалар командалары арасында хоккей буенча ярыш узды. Ул горур рәвештә “Данис Зарипов исемендәге турнир” дип йөртелә һәм 2009 елдан Данисның акчасына төзелгән боз мәйданында үтә. Ул төзелештә үзе катнашып, барлык процессны контрольдә тотты. Турнирны әзерләү һәм оештыруда Дөм-Дөмдә яшәүче туганнары зур роль уйный. Быел командаларны бүләкләү өчен Данис Зарипов үзе генә килмәгән, “Ак Барс”ның тагын ике уенчысын — Кирилл Петров һәм Артём Лукояновны алган. Боз мәйданын әзерләүдә дә, ниһаять, Данисның хыялы тормышка ашкан — Мамадышның “Олимп”ыннан боз катыру машинасын арендалап торганнар.
Фикерләр (0) | Караулар (1282) Фәйрүзә ФӘРХУЛЛИНА | 21.01.2013

“...КӨРӘШЕП 4 МАШИНА ОТКАНМЫН”
Кешенең акча янчыгында күпме байлыгы барлыгын тикшерү бик үк хупланган гамәл булмаса да, соңгы вакытта бер-беребезне уздырып башкаларның кесә калынлыгын тикшерергә өйрәнеп киттек. Татарстанның милли көрәш буенча атказанган спорт остасы, Теләче батыры Раил Нургалиевның да быел көрәшеп миллион сум чамасы акча эшләве турында матбугатта бәян ителгәч, безнең белән тагын да тәфсилләбрәк сөйләшергә булды.
Фикерләр (1) | Караулар (2165) Фәрит САЛИХОВ | 21.12.2012

“СОҢГЫ 10 ЕЛДА КӨРӘШ ҮСЕШ КИЧЕРӘ”
23-24 ноябрьдә Казанның “Ак Барс” көрәш сараенда татарча көрәш буенча республика беренчелеге үтте. Әлеге бәйге катнашучылар саны буенча узган елгы күрсәткечләрне дә узып китте — келәмдә 50 командадан килгән 447 көрәшче бил алышты. Җиңүчеләр булып икенче ел рәттән Теләче көрәшчеләре танылды. Биектау — 2 нче, Әлмәт — 3 нче. Көрәшчеләрнең сан ягыннан күп булуыннан бигрәк, тамашачыларны бер көрәшченең янә келәмгә чыгуы күбрәк сөендерде бугай. Ул — Балтач көрәшчесе, Татарстанның атказанган спорт остасы Айдар Хәйретдинов. Хәтерләсәгез, моннан 4 ел элек ул көрәштән китүе турында белдергән иде. Димәк, ки¬ре уйлаган. Ләкин элеккеге данын кайтару гына кыен бу¬лыр үзенә. Чөнки әлеге ярышта өченче әйләнештә үк җи¬ңе¬лү ачысын татырга туры килде аңа. Тагын бер сенсация. Монысы — көрәшне бизәми торганы. Чаллы көрәшчесе Рамил Хисмәтуллин көндәшенә җиңелергә теләмәгән иде бугай, хәтта “гаделлек эзләп” хөкемдарга ташланды, үз янауларын белдереп алды. Узган елгы ярышта келәмдә көндәше белән сугышуын да искә төшерсәк, Рамилдән чын мәгънәсендә сакланырга кирәк. Көрәшченең әлеге алымы Татар-башкорт көрәше федерациясе утырышында каралачак, диелде. Дәрәҗәсе елдан-ел арта барган милли спорт төребез саналган татар көрәшен менә шундый ваклыклар бер дә бизәми. Татар көрәшчеләренең исемнәре Русия, дөнья күләмендә таныла башлады, әлеге спорт төре буенча уздырылган бәйгеләр дә Татарстан җирлеге белән генә чикләнми. Бераз үзгә спорт төре булса да, татар кө¬рәшен хәтерләткән билбаулы көрәшне Казанда үтәчәк Универсиадага кертә алдык. Уңышларыбыз күз алдында. Шулай да, башкарасы эшләр җитәрлек, көрәшчеләрне тәрбиялисе бар икән әле. Тамашачыны борчыган кайбер сорауларга җавап табу өчен Татар-башкорт көрәше федерациясе Башкарма директоры Равил Гарифулла улы ХӘЙРУЛЛИН белән әңгәмә кордык.
Фикерләр (1) | Караулар (1680) Фәрит САЛИХОВ | 03.12.2012

“12 КИЛОЛЫ ГЕРНЕ 1 МИНУТТА 64 ТАПКЫР КҮТӘРДЕМ”
Айгөл Вавилова туган ягы Апаста гына түгел, ә республика буенча үрнәк итеп куярдай кызларның берсе. 15 яшьлек кенә булуына карамастан, ул инде спорт мастеры исемен яулаган. Гомумән, Вавиловларны районда белмәгән кеше сирәктер. Әтиләре Наил абый гомер буе татар көрәше, гер күтәрү белән шөгыльләнгән. Атказанган спорт мастеры. Үзе артыннан улы Айратны, кызы Айгөлне дә иярткән. Вавиловларның өй түрендә телевизор белән беррәттән берничә төрле үлчәмдәге герләр, йөгерү тренажеры тора. Ул яктан Айрат белән Айгөл бәхетле — шөгыльләним дисәң, спорт залына барасы юк, тренер да өйдә генә.
Фикерләр (0) | Караулар (1102) Алсу САБИРОВА | 12.11.2012

“МАШИНАНЫ ЯРТЫ ЕЛ ЯСАДЫМ”
20-21 октябрьдә Чувашстанның Батыр районында бай татар авылы Шыгырданда “Баги” автокроссы — узышчыларның үз куллары белән ясаган спорт машиналары ярышы да узды. Анда Ульян өлкәсенең берничә районыннан һәм Татарстаннан килгән спортчылар катнашты. Бу машиналар әллә ни зур түгел. Кайсыларын Шыгырданга фураларга төяп алып барганнар. Бер спортчы дустының машинасына тагылып килгән.
Фикерләр (0) | Караулар (1245) Лилия ЙОСЫПОВА | 30.10.2012

РИШАТ БРАЗИЛИЯДӘ ДӘ БЕРЕНЧЕ!
Теләче районының Тиләҗе авылы егете, армспорт белән мавыгучы Ришат Зәйнетдинов турында “И.М.”ның 20 апрель санында язган идек. Тумыштан инвалид (аңа “Парапарез нижних конечностей” дигән диагноз куйганнар) Ришат армспорт белән 3 ел шөгыльләнә. Бу әллә ни зур вакыт түгел, ә аның ирешкән уңышларын санап бетергесез. Брянскида узган Русия чемпионатында катнашып, 80 килограммга кадәр үлчәү авырлыгында сул кул белән дә, уңы белән дә көрәштә II урынны яулап кайтып, “Русиянең спорт остасы” исеменә лаек булды. Шуннан соң майда Польшага барып, Гданьск шәһәрендә җиңү яулады. Анда алдынгы урынга ирешкән армспортчылар 9-17 сентябрьдә Бразилиянең Сан-Пауло шәһәрендә көч сынашырга тиеш иде. “Бу кыйммәткә төшәчәк инде, безнең хәлдән килми. Әмма өметсез шайтан гына, барыбер хыялланам әле. Бәлки, барып булыр”, — дигән иде Ришат.
Фикерләр (0) | Караулар (1251) Лилия ЙОСЫПОВА | 15.10.2012

ЯҢГЫРЛЫ ВАНКУВЕРДА КЫШКЫ ОЛИМПИАДА
Ванкуверда узучы Олимпиадада русиялеләрнең чыгышы соңгы 10-15 елда иң уңышсызы. 2006 елгы Турин Олимпиадасында Русия җыелма командасы гомумкоманда зачетында 4 нче урынга лаек булды. Безнең спортчылар барлыгы 22 медаль: 8 алтын, 6 көмеш, 8 бронза медаль алды. Ул елны Олимпиаданың бишенче көнендә Русия җыелма командасы 4 алтын, 3 көмеш, 3 бронза медаль яулап икенче урында булган. Быелгы уеннарның бишенче көнендә (18 февраль иртәсе) русиялеләр 3 медаль белән 11 нче баскычка гына иде: алтын, көмеш һәм бронза. Фаразланган спорт төрләре – парлы фигуралы шуу, биатлонда безнең спортчыларының чыгышы уңышсыз булды. Русия 1964 елдан бирле Олимпиадаларда парлы фигуралы шууда беренчелекне бирмәгән.
Фикерләр (0) | Караулар (2304) Роза НУРГАЛИЕВА | 19.02.2010



башка фотолар
 
 
 
Информеры