Җомга 17 ноябрь 2017 18:09:34
 

 

матбугат новости татарстана

 

 

Соңгы фикерләр
Сәхифә: "Бакчачы почмагы"
“ИШЕГАЛДЫБЫЗДА 300 ТӨРДӘН АРТЫК ЧӘЧӘК БАР”
Татар халкы элек-электән тирә-ягын булдыра алганча чиста, матур итеп тоткан. Соңгы елларда төрле-төрле чәчәкләр үстереп, ишегалдын бизәү аеруча популярлашып китте. Йорт саен ук булмаса да, һәр районда “аһ” итәрлек ишегалды бар. Мөслимдә яшәүче Ралина һәм Илдус Сәетовлар әнә шундыйларның берсе. Урам ягыннан караганда башкаларныкыннан әллә ни аерылып тормаган йорт капкасын ачып керүгә, чыннан да, “аһ” итәсең. Авыл ишегалды түгел бу, җәннәт бакчасы дип шаккатасың. Шунда ук аллы-гөлле чәчәкләре, суы да булганлыктан, күрше-тирәдәге бөтен бал кортлары монда җыелган.
Фикерләр (1) | Караулар (4931) Алсу САБИРОВА | 22.07.2013

“КОРЫЛЫК БАКЧАЧЫГА УҢАЙСЫЗЛЫКЛАР ТУДЫРА”
Теләче районының Үзәк авылында яшәүче һәвәскәр бакчачы Нәкыйф Шәрәфиев янына авылдашлары арасыннан кем генә киңәш сорап килмәде икән? Андыйлар булса да сирәктер. Төбәктә беренчеләрдән булып виноград, кавын-карбыз, слива үстерүче, алмагачлар кисеп-ялгаучы, яшелчә орлыкларын үз бакчасында әзерләүче буларак та даны таралган аның. Район халкының бакчачылык буенча сораулары күбәеп киткәч, Нәкыйф абыйның җирле радио аша киңәш биргән вакытлары да булган. 65 яшьлек тәҗрибәле бакчачының быел киңәшләре аеруча тансык. Чөнки явымсыз җәй бакчасында яшелчә, җиләк-җимеш үстерүче авыл кешесен шөбһәгә салды.
Фикерләр (0) | Караулар (1533) Фәрит САЛИХОВ | 08.07.2013

“ҮСЕНТЕЛӘРНЕ ЧЫГАРЫП УТЫРТКАНЧЫ 2-2,5 АЙ АЛДАН ЧӘЧӘРГӘ КИРӘК”
Кыш язга авыша башлады. Февраль керүгә һәвәскәр бакчачылар туфрак һәм орлыкларны барлыйлар, үзара тәҗрибә уртаклашалар, яңалыклар, яңа сортлар белән кызыксыналар. Теплица-парниклары булганнар бу ай уртасында ук орлыкларны туфракка чәчте инде. Шул уңайдан без дә ТРның атказанган фән эшлеклесе, бакчачылык өл-кәсендә 45 елдан артык тәҗрибә туплап, озак еллар радио һәм теле-видение аша бакчачылар сорауларына җавап юллаучы, бакчачылыкка багышланган китаплар авторы, профессор Фарсель ЗЫЯТДИНОВ белән әңгәмә корып алдык.
Фикерләр (1) | Караулар (2678) Рәшидә АХМИРОВА | 01.03.2013

КЕЧКЕНӘ, ӘММА ТӘМЛЕ БУЛСЫН!
“Ирек мәйданы” газетасында “Без үстергән кабаклар 52 кг га җитә” дигән мәкаләне укыганнан соң уйлануларымны язып җибәрергә булдым. Бәлки, файдасы тияр. Акыл белән уйлап карыйк әле: кемгә кирәк мондый зур кабак, аның белән нәрсә эшләргә? Мактаныргамы? Шуның белән эш беттеме? Мин бакчачылар, яшелчәчеләр белән күп язышам. Җирле бакчачылар белән дә еш очрашырга туры килә. Кагыйдә буларак, күбесе миннән ничек мул уңыш алырга, иң зур помидор, бәрәңге, кабак һәм башка яшелчәләрне ничек үстерергә дип сорый. Әмма иң зур помидор, кәбестә, кабакның әле уңыш түгел икәнлеге турында уйлап карамый. Бу, киресенчә, күп очракта уңыш алуда дөрес максат куймау. Мәсәлән, бәрәңге турында сүз чыкса, кайсы сорт уңышны күбрәк бирә, дип сорыйлар. Бик сирәк кеше “кайсы сорт тәмлерәк?” ди. Бу бездә элек-электән килгән.
Фикерләр (0) | Караулар (2105) Франс ХӘЛИЛОВ | 20.11.2012

НӘРСӘ ЧӘЧСӘҢ, ШУНЫ УРЫРСЫҢ
Әле урамда кыш хакимлек итсә дә, яз кояшы көннән-көн юмартрак карый. Чын бакчачылар өчен сезон февраль азагы-март башында ук башлана. Тәрәзә төбендәге гөлләрне үсенте әрҗәләре кысрыклый. Бу көннәрдә уңган яшелчә үстерүчеләрнең тәрәзә төпләрендә, җылы теплицаларында борын төрткән яшь үсентеләр кояш яктысына үрелә башлады. Яшелчәләрнең тәмен, табышын, файдасын белгән хуҗа-хуҗабикәләр көз тәмамланганчыга кадәр киеренке хезмәт сораган эшкә кереште. Яз, мәшәкатьле булса да, күңелдә өмет уята торган вакыт.
Фикерләр (1) | Караулар (4326) | 26.02.2010



башка фотолар
 
 
 
Информеры